ЮНЕСКО борщты Украина тағамы деп таныды

11:41, 2 шілде 2022
123

© Сурет: pexels

ЮНЕСКО Украинаның ұлттық тағамдары ретінде борщты даярлау процесін материалдық емес мәдени мұра тізіміне енгізу туралы өтінішін қанағаттандырды, деп хабарлайды Zakon.kz.

Бұл туралы ұйымның ресми сайтында хабарланды.

Борщ 1 шілдеде өткен материалдық емес мәдени мұраны қорғау жөніндегі үкіметаралық комитеттің кезектен тыс отырысында украин тағамы деп танылды.

"Украиналық борщты әзірлеу мәдениеті шұғыл қорғауды қажет ететін материалдық емес мәдени мұра тізіміне енгізілді", делінген құжатта.

Украинаның Мәдениет және ақпараттық саясат министрі Александр Ткаченко әлеуметтік желіде Украина борщы мен оның мәзірін басқа "өркениетті" елдермен бөлісуге дайын екенін жазды.

Ресей СІМ-нің ресми өкілі Мария Захарова өзінің телеграм-арнасында бұл тағам дереу қорғауды қажет ететініне күмән келтіретінін жазды.

Аспаздықты мысалға ала отырып, әлемге "қазіргі Киевтегі ұлтшылдық" деген не екенін түсіндіру үшін факті келтіруге болады: қымыз бен палау бірнеше халықтың ұлттық тағамдары ретінде танылған. Бірақ, менің түсінуімше, осылайша барлығын украинизациялай беруге болатын секілді. Келесісі қайсы? Шошқа етін де Украинаның ұлттық тағамы деп тану керек шығар? Ресей СІМ ресми өкілі Мария Захарова

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!