Ұлттық банк: Елімізде халықтың шетел валютасына сұранысы ешқандай дүрбелең тудырған жоқ

11:48, 14 тамыз 2018
455

Үкімет отырысында ҚР Ұлттық Банкі Төрағасының орынбасары Олег Смоляков депозиттердің долларлану деңгейі маусымда 44,5%-ға жеткенін мәлімдеді, деп хабарлайды Zakon.kz.

"Депозиттік ұйымдардағы депозиттер маусымның соңында 17,8 трлн теңгені құрады. Оның құрылымында ұлттық валютадағы депозиттер бірінші жартыжылдықта 9,9 трлн теңгеге дейін 8,2%-ға өсті, шетел валютасындағы депозиттер 7,9 трлн теңгеге дейін 4,9%-ға төмендеді. Нәтижесінде депозиттердің долларлану деңгейі маусымда 44,5%-ға жетті", - деді ол.

Оның айтуынша, жинақтау валютасын таңдау кезінде айырбастау бағамының айқындаушы фактор ретіндегі рөлі төмендеп жатқанын атап өту қажет. Мұны теңгенің АҚШ долларына қатысты бағамының әлсірегеніне қарамастан ағымдағы жылғы мамырда және маусымда теңгедегі депозиттердің өсуі көрсетіп отыр.

«Қолма-қол валюта нарығында біз күнделікті мониторингті жалғастырамыз. Негізінен, жағдай тұрақты, валюта жеткілікті және халықтың шетел валютасына деген сұранысы ешқандай дүрбелең тудырған жоқ», - деді Ұлттық банк басшысының орынбасары.


Telegram арнасындағы маңызды жаңалықтар «zakon.kz». Жазылу!

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!