Үкімет медициналық-санитариялық алғашқы көмекті дамыту шараларын қарады

11:08, 2 наурыз 2021
166

© Сурет: primeminister.kz

ҚР Премьер-министрі Асқар Маминнің төрағалығымен өткен Үкімет отырысында медициналық-санитариялық алғашқы көмекті (МСАК) дамыту жөніндегі шаралар қаралды, деп хабарлайды zakon.kz.

Үкімет басшысы сайтының хабарлауынша, Денсаулық сақтау министрі Алексей Цой, Батыс Қазақстан облысының әкімі Ғали Есқалиев, Атырау облысының әкімі Махамбет Досмұхамбетов, Қызылорда облысының әкімі Гүлшара Әбдіқалықова баяндама жасады.

"Мемлекет басшысы Қасым-Жомарт Кемелұлы Тоқаевтың халыққа арнаған Жолдауында Үкіметке медициналық алғашқы көмекті ұйымдастырудың тәсілдерін түбегейлі қайта қарауды тапсырды. Халықтың басым көпшілігіне, әсіресе ауылды жерлерде мобильділік пен қолжетімділік аса қажет. Бұл міндеттер “Nur Otan” партиясының сайлауалды бағдарламасын орындау жөніндегі жол картасында белгіленген", — деді Мамин.

Премьер-министр Ақмола, Солтүстік Қазақстан және Шығыс Қазақстан облыстарындағы амбулаториялық-емханалық нысандарды техникалық жабдықтау деңгейінің төмендігі мен ғимараттардың тозуын атап өтті. Үкімет басшысы ауылдарға жұмысқа белсенді тарту және жас медицина қызметкерлерін әлеуметтік қолдау қажеттігін атап өтті. Мысал ретінде Қостанай, Солтүстік Қазақстан және Атырау облыстарындағы осындай жұмыстың оң тәжірибесін келтірді.

"2025 жылдың соңына дейін 487 объектіні салу жоспарланған. Сонымен қатар 600-ден астам алғашқы медициналық көмек көрсету объектілерін күрделі жөндеуден өткізу қажет. Қабылданып жатқан шаралар, әсіресе, ауылдық елді мекендерді алғашқы медициналық көмекпен қамтуды едәуір кеңейтуге мүмкіндік береді", — деді Мамин.

Үкімет басшысы өңірлердің әкімдеріне бір ай мерзімде Денсаулық сақтау министрлігіне жылдар мен елді-мекендер бойынша бөлінген алғашқы денсаулық сақтау объектілерінің инфрақұрылымын дамытудың жол картасын әзірлеп, жолдауды тапсырды.

Әкімдіктерге Денсаулық сақтау министрлігімен бірлесіп, өңірлерде жаңа учаскелер ашу, жеке секторды дамыту және тарту арқылы МСАК дәрігерлерінің жүктемесін азайтуды қамтамасыз ету, сондай-ақ жас медицина қызметкерлерін, әсіресе ауылға жұмысқа келген жас мамандарды материалдық ынталандыру шараларын қабылдау тапсырылды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір