Түркістанның экс-прокуроры пара алғаны үшін 10 жылға сотталды

ОҚО қылмыстық істер жөніндегі ауданаралық мамандандырылған сотының төрағасы Жәнібек Сейітжаппаров пара алды деген айып тағылған Түркістанның бұрынғы прокуроры Махат Зұлпыхаровтың ісіне қатысты үкім шығарды, деп хабарлайды Вaq.kz.

Сотталған азамат кінәсін мойындамады, бірақ сот ҚР ҚК «Пара алу» 4-бөлігі 366-бабына сәйкес оның кінәсі дәлелденді деп есептеді. Бұл қылмысқа пара алған ақшасын 80 есе көп қылып қайтару немесе мүлкі тәркіленіп, өмір бойы лауазымды орындарда қызмет етпей не белгілі бір қызметпен айналыспай 10 жылдан 15 жылға дейін бас бостандығынан айыру жазасы кесіледі.

Сот айыпталушыны 10 жылға дейін бас бостандығынан айырды. Үкім әлі заңды күшіне енбеді.