Түркістанда өткен көшпелі жиында инновациялық және кәсіпкерлік даму мәселелері талқыланды

20:50, 21 қазан 2019
358

Облыс әкімдігінің мәжіліс залында Қазақстан Республикасы Парламенті Сенатының Экономикалық саясат, инновациялық даму және кәсіпкерлік комитетінің көшпелі отырысы өтті. Онда елдің аумақтық-кеңістікті дамуының болжамды схемасын әзірлеу мен іске асыру, сондай-ақ индустрияландыру және жаңа технологияларды енгізу аясында ядролық өнеркәсіп саласындағы заманауи технологияларды дамыту мәселелері талқыланды. Жиында Қазақстан Республикасы Парламент Сенатының Экономикалық саясат, инновациялық даму және кәсіпкерлік комитетінің төрағасы Серік Джақсыбеков көпшілікті еркін пікір алмасуға шақырды. Бұл туралы Zakon.kz Түркістан облысы әкімінің баспасөз қызметі берген ақпаратқа сілтеме жасап хабарлайды.

Сондай-ақ облыс әкімі Өмірзақ Шөкеев өңірдегі кәсіпкерлік саласында атқарылып жатқан жұмыстармен таныстырды.

- Бизнестің дамуына кедергі келтіретін мәселелерді қарауымыз қажет. Бизнес өкілдерімізге де керекті кеңестер береміз. Осы жерде тыңдап, тиісінше шешу барысын қараймыз. Бізде 2 миллионға жуық халық тұрады. Оның ішінде 140 800 субъект шағын және орта кәсіпте жұмыс істейді. Өсім жақсы. Бүгінде өнім көлеміде артып келеді. Бизнес өкілдерімен жиі-жиі кездесіп тұрамыз. Елбасымыздың бастамасымен құрылған "қарапайым заттар экономикасы" жобасы облыста тиісті деңгейді іске асуда. Бұл бағытта 220 жоба жинақталды. Жалпы республикада "қарапайым заттар экономикасы" жобалары бойынша Түркістан облысы көш бастап тұр , – деді аймақ басшысы Өмірзақ Естайұлы.

Жиын барысында инвестициялық өсім мен инновацияға бағытталған жұмыстар бойынша да кең көлемді мәлімет беріліп, облыстағы кәсіпкерлердің жайы мен ауыл шаруашылығындағы мәселелерге жан-жақты тоқталды. Басқосуда облыстық мәслихат депутаттары мен кәсіпкерлер экспортты ұлғайту, бизнесті дамытуға берілетін көмек, жайылымдық жер жайы, субсидия, жеңілдетілген несие беру, мақта шаруашылығы, тарифтерді төмендету секілді мәселелерді ортаға салды. Мәжілісті қорытындылаған сенатор Серік Рыскелдіұлы қысқа уақытта Түркістанның сәулетті шаһарға айналғанын ерекше атап өтті. Сонымен қатар Арыс қаласында үш айда жүргізілген жүйелі де жемісті жұмыстардың нәтижесіне жоғары бағасын берді.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!