Түркістан облысының тұрғындары қыста асфальт төсегендерге «мемлекет қаржысын ысырап етті» деп наразы

01:27, 9 желтоқсан 2022

© Сурет: unsplash

Түркістан облысының Ордабасы ауданында қыс мезгілінде асфальт төселіп жатыр. Ал тұрғындар мұны мемлекет қаржысын босқа ысырап ету әрі көзбояушылық деп отыр, деп хабарлайды Zakon.kz.

"7-желтоқсан. Түркістан облысы, Ордабасы ауданы Шұбарсу елді мекеніндегі,.. кеше ғана қар түскен. Үстіне әдейі биттің қабығындай қылып істеп кетіп жатыр. Істедің бе - істедің... судың үстіне әшейін жамап, сонда мұның астына не төсеп жатыр бұлар?!" Видео авторы

"Астана" телеарнасының хабарлауынша, тұрғындар желтоқсан айында төселген асфальт көктемге дейін жарамай қалады ма деп алаңдап отыр.

Ал Ордабасы ауданы әкімі аппаратының баспасөз хатшысы жаңа төселіп жатқан жолдың көпшілік ойлағандай негізгі жол емес, автокөліктерге арналған тұрақ деп жауап берген.

"Исламқұлов мектебі алдына автокөліктерге арналған автотұраққа асфальт жабындысын төсеу жұмыстары техникалық талаптарға сәйкес жүргізіліп жатыр. Асфальт жабындысының астына жабысқақ материал себу жұмыстары арнайы техникамен жасалған. Сонымен қатар асфальт материалының нысан басындағы температурасы 130-150 градус, талапқа сәйкес 120 градустан жоғары болса асфальт жабындысын төсеу жұмыстарын жүргізуге рұқсат етілген", - деп аудан әкімдігі жазбаша жауап берген

Оқи отырыңыз

"Өмірдің үлкен мектебі болды". Жеңіс Қасымбек қарағандылықтарға алғыс айтты

Мейрам Кожухов Қарағанды әкімінің міндетін атқарады

Көлгінов Астана тұрғындарына үндеу жасап, жаңа әкімге табыс тіледі

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!