Тоқаев пен Путин бір-біріне сыйлық ұсынды

16:16, 8 қараша 2019
163

Қасым-Жомарт Тоқаев пен Владимир Путин бір-біріне сыйлық берді, деп хабарлайды Zakon.kz.

"Омбы қаласындағы ынтымақтастық Форумының ресми шараларынан кейін Мемлекеттер басшылары бір-біріне естелік ретінде сыйлық жасады. Владимир Путин Қасым-Жомарт Тоқаевқа мәрмәр мен малахиттан жасалып, күміспен күптеліп, алтынмен апталған шахмат тарту етті.
Қазақстан Президенті ресейлік әріптесіне ұлт ұстазы, халқымыздың ұлы ойшылы Абай Құнанбайұлының 175-жылдығына орай арнайы тарту-таралғы ретінде шығарылған Мұхтар Әуезовтің "Абай жолы" романының екі томын сыйлады", деп жазды ҚР Президентінің баспасөз хатшысы Берік Уәли Facebook-тегі парақшасында.

Айта кетсек, 7 қараша қос елдің Президенттері Омбыда өткен Қазақстан мен Ресей өңіраралық ынтымақтастық форумына қатысты.


Источник: zakon.kz


Пікір