Танымал ақын Қайрат Нұртас секілді әншілердің басты кемшілігін атады
Ақын әрі композитор Исрайыл Сапарбаев той әншілерінің киелі сахнаны жайлап алғанына қатты қапалы. Тіпті, ол отандық бір телебағдарламаға сарапшы болып барып, ол арада "Омпай-омпай" әні орындалғанда түрегеліп кетіп қалғанын да айтты, деп хабарлайды Zakon.kz "Айта берсін" бағдарламасына сілтеме жасап.
"...Кешегі ой салар әндер бірте-бірте сахнадан қалып бара жатыр. Ненің әсерінен дейсіз? Еліктеу-солықтаудың кесірінен. Жаһандану заманында қазақтығыңды сақтасаң ғана ұлт ретінде сақталасын. Ал бізде еліктеушілік, желікпелік көп. Жеңіл-желпі нәрсе көп. Қазір өзінің дауысының осалдығын, әлсіздігін жастар қосымша элементтермен жасырады. Бір сөзді бірнеше рет қайталап, бимен беріп жібереді. Ол әнші өзінің кемшілігін жақсы біледі. Бірақ оны мойындап, қоя салмайды, керісінше сахнаға шығамын деген өлермендік олардікі. Содан кейін де сахнаны жеңіл-желпі әндер жайлап кетті. Даңғара музыкамен кемшін тұсын жасырады. Ал былай өзін жеке алып қарасаңыз, оның ән сиқы жоқ", - дейді ақын.
Ақын қазіргі концерттен елдің неге шаршап қалатынын да түсіндірді.
"Жасырын емес, қазір Қайрат Нұртас, Төреғали Төрәлі, Ернар Айдар, Заттыбекке дейін сахнаны ешкімге бермейтін болып алды. Арзан ән, даңғаза музыка. Ондай концерттен халықтың басы ауырып, жүйкесі шаршап қайтады. Одан кейін сахнадан қандай кие қалады? Жақында ғана Студенттер сарайында Ибрагим Исаевтың еске алу кеші болды. Онда үлкен буындағы әншілеріміз кезек-кезегімен сахнаға шығып, бір жасап қалды. Өте бір өте әсерлі кеш болды, жақсы демалдық. Шын, қазір біз жатырқап қалдық. Қазір орындалып жүрген у-шудан нені тыңдайтынын да білмейсің? Ең жаман жері, олар көрерменнің эстетикалық талғамын өшіріп сызып жатыр", - дейді ол.
Оның айтуынша, әркім өз орнын білгені жақсы.
"Отандық телеарнада "Беу" деген бағдарлама шығыпты. Соған сарапшы ретінде мені шақырды. "Опмай-опмайды" көрген кезде ашуланып, шығып кеттім. Ұрстым Әлияға, "неге мені мынандайға уақытымды текке кетіріп шақырасыңдар" дедім. Ертеңінде тойда көрдім өздерін. "Енді орындарыңды таптыңдар, ал киелі сахнаны бұлғап нелерің бар" деп айттым оларға. Сөйтсем жап-жақсы киінген, қазақтың жігіттері екен...", - дейді Исрайыл Сапарбаев.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
14:41, 19 наурыз 2024
Елімізде мыңдаған тонна пияз шіріп кетуі мүмкін
-
14:23, 19 наурыз 2024
Мобильді аударымдарды тексеру шегі арта ма: Қаржы министрлігінің басшысы жауап берді
-
14:04, 19 наурыз 2024
Қазақстан картасынан қай қалалар жоғалып кетуі мүмкін
-
13:47, 19 наурыз 2024
Қазақстанда вейпинг пен құмар ойындарға тәуелділікке байланысты мектеп бағдарламасы өзгереді
-
13:22, 19 наурыз 2024
Наурызнама: Алматыда ұлттық киім күні қалай өтті