Сыр өңірінің геоақпараттық онлайн-қызмет жобасы республикада үздік деп танылды

14:28, 15 қараша 2018
325

Қызылордада "Нұр Отан" партиясының есеп беру-сайлау конференциясы өтті. Онда партияның облыстық филиалы Саяси кеңесінің екі жылдық жұмысы қорытындыланып, алдағы жоспарлары анықталды, деп хабарлайды Қызылорда облысы бойынша Zakon.kz тілшісі.

"Нұр Отан" партиясы мыңдаған қазақстандықтарға көмек көрсетіп, Елбасының нақты жобалары мен бастамаларын жүзеге асырып келеді. Бүгінде осы мақсатта партияның Орталық аппараты цифрландыруды жүзеге асыру, шағын және орта бизнесті қолдау, сонымен қатар «Рухани жаңғыру» бағдарламасына үлес қосуға бағытталған 20-дан астам әлеуметтік, стратегиялық, бастамашыл жобаларды қолға алды. Бұл бағытта біздің облыстағы цифрландыру аясында дайындалған geoservice.geoportal.kz геоақпараттық сервис жұмысы республика бойынша үлгілі жоба ретінде атап өтіліп, Саяси кеңестің кеңейтілген отырысында Елбасына таныстырылды», - деді партияның облыстық филиалы төрағасының бірінші орынбасары Ибадулла Құттықожаев.

Аталып өткендей, цифрлық жоба кәсіпкерлерге онлайн түрде коммуналдық қызметтерді қосуға, техникалық шарттарды беруге мүмкіндік береді.

Социалистік Еңбек Ері, Құрметті теміржолшы, партия ардагері Оразбай Әбішевтің айтуынша, нұротандықтардың қолдауымен өрт салдарынан жапа жеккен бірқатар отбасыларға көрсетіліп, жаңа баспана табысталған. Ал II топ мүгедегі Мұса Бегалиевтің отбасына жеңіл автокөлік берілген.

Жалпы, бүгінде Қызылорда облысында 48715 партия мүшесі, 272 бастауыш партия ұйымы жұмыс істейді.


Telegram арнасындағы маңызды жаңалықтар «zakon.kz». Жазылу!

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!