Шымкентте әткеншекке мінген ер адам қайтыс болды

11:46, 23 қыркүйек 2021
103

© Сурет: instagram /kial_alemi.13

Шымкентте 22 қыркүйекте кешкі сағат тоғыз шамасында "Қиял әлемі" технопаркінде қайғылы оқиға орын алды, деп хабарлайды zakon.kz.

50 жастағы ер адам "Балға" аттракционына мінген кезінде өзін жайсыз сезінген. Оқиға орнына жедел жәрдем келгенімен дәрігерлер ер адамды құтқарып қала алмады. Өлімнің себебі - инфаркт, деп хабарлайды otyrar.kz.

Куәгерлердің айтуынша, технопарк қызметкерлері алғашқы медициналық көмек көрсете алмаған, оларда алғашқы медициналық көмектен дағдысы болмаған.

Саябақ қазір жабық, құқық қорғау органдары қайғылы жағдайдың мән-жайын анықтап жатыр.



Бұл "Қиял әлемі" технопаркінде орын алған алғашқы қайғылы оқиға емес. Осы жылдың мамыр айында 17 жастағы жасөспірім оқыс оқиғадан қаза тапқан болатын. Алдын ала болжам бойынша, ол ойын-сауық саябағында штаттан тыс жұмыс істеген. Жас жігіт аттракционның металл конструкцияларына көтерілгенде, құлап түскен. Жас жігіт жедел жәрдем келгенше қайтыс болған.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір