ШҚО-да бостандыққа шыққан ер адам учаскелік полиция қызметкерінен өш алды

Ер адам рақымшылыққа ілініп, түрмеден босатылған, деп хабарлайды Zakon.kz.

ҚР ІІМ баспасөз қызметінің хабарлауынша, ол ауырлығы орташа қылмысы үшін 2,5 жылға бас бостандығынан айырылған.

Экс-тұтқын мас күйінде көшеде келе жатып, бұрын өзі бақылауында болған учаскелік полиция қызметкерін кездестіріп қалады. Оны көрген бойда өш алу туралы басына ой келеді. Содан ол мінген көліктің терезесін бір ұрып шағады, салоннан шыққан полиция қызметкерінің саусағын да тістеп үлгереді. Бірақ кейіннен құқық бұзушы істеген бұл ісіне өкініш білдірді.