Шетелдегі қазақстандық туристер елге орала бастады

Шетелде қалып қойған қазақстандық туристерді елге қайтару жағдайы туралы ҚР Мәдениет және спорт министрлігі мәлімет берді, деп хабарлайды Zakon.kz.

Министрлік таратқан ақпарға сай 6-17 қаңтар аралығында Қазақстанға 90-ға жуық тұрақты және 30 чартерлік авиарейс арқылы 7361 турист қайтарылды.

17 қаңтардағы рейстердің кешігуіне байланысты 275 турист, оның ішінде Тайландтан 192, Шри-Ланкадан 25, Мальдивтен 34 және Гоадан 24 турист елге оралады деп күтілуде.

Осы жылдың 19 қаңтарына дейін барлық ұйымдастырылған туристер Қазақстанға қайтады.

Шетелдегі барлық туристерге рейстердің ауысатыны туралы хабарланды. Туроператорлар өздерінің есебінен Қазақстанның елшіліктері арқасында туристерді шетелдік қонақүйлерде орналастыруды қамтамасыз етті. Қазақстанға келетін туристерді тасымалдау және орналастыру бойынша жұмыстар ұйымдастырылды. Атқарылған іс-шаралар «Туристік Қамқор» КҚ күшімен, Қазақстан Республикасы Мәдениет және спорт министрлігінің қолдауымен жүзеге асырылды.ҚР Мәдениет және спорт министрлігі