Семей полигонына жақын орналасқан үш аудан тұрғындарының әл-ауқаты тексеріледі

17:14, 9 желтоқсан 2022

124

© Сурет: wikimedia

Экология, геология және табиғи ресурстар министрі Серікқали Брекешев өткенде Абай облысының халқымен кездесті. Онда қойылған сұрақтың біразы экологияға зиянын тигізген Семей ядролық сынақ полигоны туралы болды, деп хабарлайды Zakon.kz.

Тұрғындардан қойылған сұрақтардың 90%-ы экологияға зиянын тигізген Семей ядролық сынақ полигоны, тұрғылықты халықтың денсаулығы, әлеуметтік төлемдер және тағы басқаға қатысты болды.

Осы ретте Экология министрі Еңбек және халықты әлеуметтік қорғау министрі Тамара Дүйсеновамен, Энергетика министрі Болат Ақшолақовпен, парламент мәжілісі депутаты Милютинмен, Денсаулық сақтау вице-министрі Сұлтанғазиевпен, Абай облысының «Комитет полигон-21» қоғамдық бірлестігінің бастамашыл тобы қатысуымен жиналыс өткізіп, мәселені қарастырды.

"Әр ведомствоның, қоғамдық бірлестік белсенділерінің ұстанымын тыңдаған соң, үш облыста (Абай, Қарағанды, Павлодар облыстары) полигонға іргелес аумақ тұрғындарының әлеуметтік әл-ауқатының жағдайын тереңірек талдау үшін ведомствоаралық жұмыс тобын құру туралы шешім қабылданды", - делінген Экология министрлігінің хабарламасында.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!