Сәбина Қиқымова халықаралық турнирде қос-қостан күміс пен қола медаль еншіледі

22:47, 19 қазан 2021

© Сурет: ҚР эстетикалық және көркем гимнастика федерациясы

Қазақстандық гимнаст Сәбина Қиқымова көркем гимнастикадан беделді халықаралық турнирде екі күміс және екі қола медаль жеңіп алды, деп хабарлайды zakon.kz.

15-17 қазан аралығында Хорватияның Загреб қаласында көркем гимнастикадан "Aura cup" халықаралық турнирі өтті. Оған Ресей, Грузия, Италия, Болгария, Украина, Корея, Словения, Ұлыбритания және басқа елдердің гимнасттары қатысты (барлығы - 22 ел). Турнирге Қазақстан атынан алматылық гимнаст, ҚР спорт шебері Сәбина Қиқымова қатысты.

Көпсайыста Сәбина 74,250 ұпаймен күміс медальді, шеңбер (обруч) мен доп жаттығуларында - қоланы, таяқпен өнер көрсетуде тағы да күміс жүлдені иеленді.