Ринат Заитовтың ұсталған сәті видеоға түсіп қалды

Қазақтың белгілі ақыны, айтыс жұлдызы Ринат Заитовтың ұсталған сәті видеоға түсіп қалды, деп хабарлайды Zakon.kz.

Әлеуметтік желіде Ринаттың жанына жиналған халықпен әңгімелесіп жатқан сәті бейнеленген видео пайда болды. Ол өзінің ертең партия құратынын айтты. Күн, түн демей заңды жаттайтынын жеткізді.

- Бұл біздің жеріміз. Бұл біздің ата-бабымыздан қалған жер, ағайындар. Бұл біздің еліміз. Бала-шағамыз ертең өсетін жер. Ертеңгі күннен бастап мен партия құруды қолға аламын. Заңды жаттаймын, - деді Ринат Заитов.

Әңгіме өрби түскен тұста қалың жұрттың орасына форма мен бетперде киген адамдар кіріп кеп, полицейлердің жетекшілігімен топ ортасынан бірнеше адамды, оның ішінде Ринатты да басып алып кеттеді.