Ресей Қырғызстанға АЭС салатын болды

12:51, 21 қаңтар 2022

105

© Сурет: pixabay

Ресейлік корпорация Қырғызстанда қуаттылығы аз АЭС салумен қатар, ядролық инфрақұрылымды дамытуды көздейді, деп хабарлайды Zakon.kz.

Ресейдің «Росатом» мемлекеттік корпорациясы мен Қырғызстанның Энергетика министрлігі арасында Қырғыз Республикасында қуаттылығы аз атом электр станциясын салу бойынша ынтымақтастық туралы меморандумға қол қойылды.

Құжатқа «Росатом» бас директоры Алексей Лихачев пен Энергетика министрі Досқұл Бекмырзаев қол қойды. Тараптар RITM-200H реактор блогы негізінде атом электр станциясын (АЭС) салуға мүдделі.

Меморандумда Қырғызстандағы ядролық инфрақұрылымды дамыту және атом энергиясын бейбіт мақсатта пайдалану үшін ғылыми-техникалық кадрларды даярлау мәселелері де қарастырылған.

Лихачев Қырғызстанда атом электр станциясы сияқты нысанның болуы елді электр қуаты жағынан тәуелсіз етіп қана қоймай, бүкіл Орталық Азия аймағындағы ғылыми жобалардың санын көбейтетінін айтты.

«Росатом» 400-ге жуық ядролық компанияны қамтитын ресейлік мемлекеттік холдинг. Корпорация Ресейдегі барлық атом электр станцияларын басқарады. Холдинг уран қоры бойынша әлемде екінші орында.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!