Процесс бар: Дүйсенова зейнет жасын қысқарту туралы айтты

13:09, 30 маусым 2022
87

© Сурет: primeminister.kz

ҚР Еңбек және халықты әлеуметтік қорғау министрі Тамара Дүйсенова зейнет жасын қысқарту мәселесі қарастырылып жатқанын айтты. Барлық есептеулер дайындалып, қарауға жіберілді, деп хабарлайды Zakon.kz.

Біз барлық ұсынысымызды, есеп-қисапты жұмыс тобына ұсынып отырмыз. Бірінші кезеңде біз бәрін аяқтадық. Түсінесіз бе, біз жыл сайын жалпы бюджеттің 25%-ын аламыз. Биыл ол 4 триллион теңге болса, келесі жылы 4,5 триллион теңгеден асады. Сондықтан біздің барлық есеп-қисаптарымызды Қаржы министрлігінің де, Ұлттық экономика министрлігінің де тиісті департаменттері, құрылымдық бөлімшелері қарап, тексереді, – деді Тамара Дүйсенова мәжіліс алаңында.

Екінші кезеңде бұл мәселені қаржы және ұлттық экономика министрліктері, одан кейін республикалық бюджет комиссиясы қарайды.

Сонымен қатар журналистер Еңбек министрлігінің басшысынан бұрынғы вице-премьер – қаржы министрі Ерұлан Жамаубаевтың зейнет жасын төмендету мәселесі үкіметте әлі талқыланбағанын неліктен айтқанын сұрады.

Қазір барлық мемлекеттік орган жұмыс тобын өткізіп жатыр. Ерұлан Жамаубаев мырзаға не хабарланғанын немесе хабарланбағанын білмеймін. Қазір процесс жүріп жатыр. Екінші кезеңнен кейін оған жүгінуге болады деп ойлаймын. Мен ол үшін жауап бере алмаймын.Тамара Дүйсенова

Министрдің сөзінше, екінші кезең 10 шілдеге дейін аяқталуға тиіс.

Еске салайық, Қазақстанда 2022 жылдың 1 қаңтарынан бастап әйелдердің зейнетке шығу жасы 60,5 жасқа дейін ұлғайтылды.

Әйелдердің зейнетке шығу жасы 2018 жылдан бастап көтерілді. Демек 2027 жылға қарай ол ерлердікі сияқты 63 жасқа жетуі керек.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!