Президентке мәжілістің заң шығару жұмысы туралы мәлімет берілді
© Сурет: akorda.kz
Мемлекет басшысы Қасым-Жомарт Тоқаев мәжіліс төрағасы Ерлан Қошановты қабылдады, деп хабарлайды Zakon.kz.
Президентке Мәжілістің VII шақырылымының екінші сессиясында атқарылған заң шығару жұмысы туралы мәлімет берілді. Парламенттің төменгі палатасының спикері қабылданған бірқатар заңның мемлекет басшысы ұсынған реформаларды заңнамалық тұрғыдан қамтамасыз етуге бағытталғанын айтты.
Ерлан Қошановтың айтуынша, қазір депутаттар халықпен кездесулер өткізіп, жергілікті жерлердегі ахуалмен танысу үшін өңірлерге аттанған. Олар азаматтардың көтерген маңызды деген проблемаларын зерттеп, жүйелейді. Содан кейін үкіметпен бірлесіп бұл мәселелерді шешеді.
Мәжіліс төрағасы президентке парламенттің төменгі палатасы жұмысының жаңа форматы, соның ішінде Қоғамдық палата құру жөнінде айтты.
Бұдан бөлек Ерлан Қошанов Қасым-Жомарт Тоқаевқа «АMANAT» партиясының қоғамдағы әлеуметтік әділдікті қамтамасыз етуге және азаматтардың әл-ауқатын арттыруға бағытталған жұмысы туралы баяндады. «Жер аманаты» жобасы аясында пайдаланылмайтын және ауыл шаруашылығы мақсатындағы заңсыз берілген жерлерді мемлекет меншігіне қайтару жұмыстары жүргізіліп жатыр.
Партия Үкіметпен бірлесіп, «Ауыл аманаты» жобасын жүзеге асырып жатыр. Ауыл тұрғындары бөлшек сауда желісінің талаптары мен тұтынушылардың сұранысын ескере отырып, ауыл шаруашылығы өнімдерін өндіру жөніндегі жаңа құзыреттерді үйренеді. Осы ретте тұрғындар саны 7,7 миллион адам болатын 2400 ауылдық округті қамту жоспарланып отыр.
Сонымен бірге мәжіліс төрағасы мемлекет басшысына 23-24 маусым аралығында Чолпон-Ата қаласында өткен Түркі тілдес мемлекеттердің Парламенттік Ассамблеясының XI пленарлық отырысына қатысқан Қазақстан делегациясы жұмысының қорытындысы туралы баяндады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
15:44, 28 наурыз 2024
Айкөркемнің ісі: Әскери қызметшіге қатысты қылмыстық іс қайта қаралды
-
15:27, 28 наурыз 2024
Жамбыл облысының тұрғыны Астанаға 30 келіден астам есірткі жібермек болған
-
15:02, 28 наурыз 2024
Қасым-Жомарт Тоқаевтың Қытайға мемлекеттік сапарының себебі белгілі болды
-
14:43, 28 наурыз 2024
Асхат Оралов жаңа қызметке тағайындалды
-
14:27, 28 наурыз 2024
Ауыр қылмыс жасады деген күдікті қазақстандықтар Түркиядан қайтарылды