Президент көмекшісі Атырауға бейресми сапармен не үшін барған - БАҚ болжамы

13:38, 30 қараша 2020
188

ҚР Президентінің көмекшісі Қанат Бозымбаевтың Атырау облысына өткен аптадағы бейресми сапарына не түрткі болғаны бойынша болжам жарияланды, деп хабарлайды zakon.kz.

"Ақ Жайық" басылымы Бозымбаевтың өңірді тексеріп, Ақорда үшін пайдалы ақпарат жинауға келгенін білдік деп хабарлайды.

"Ақ Жайық" дереккөздерінің хабарлауынша, қазан айының соңында Қасым-Жомарт Тоқаев Атырау облысының әкімі Махамбет Досмұхамбетовты қабылдаған кезде, өңірдің 9 айдағы әлеуметтік-экономикалық дамуы туралы есебін алудан басқа, әкімнің отставкаға кетуі жөнінде мәселе көтеріліпті.

Бұл таңқаларлық жайт емес, пандемия кезіндегі сәтсіз жұмысына байланысты президенттен сөгіс алып, оған қоса облыс әкімінің бірінші орынбасары Нұрлан Таубаев жанжалмен қамауға алынғанынан кейін Досмұхамбетовтің отставкаға кетуі уақыт еншісіне қалған болатын.

Атырау облысының әкімі қаңтарда парламенттік сайлау өткізіліп, одан кейінгі үкімет отставкасынан соң ауысады деп жоспарланған.

Дереккөздер Бозымбаевты өз қамқорлығындағы - Атырау облысының экс-әкімі, Атырау облысынан "Нұр Отан" партиясының атынан Мәжіліс депутаттығына үміткер Дүйсенбай Тұрғановтың позициясын зерттеуге келген болуы мүмкін деп хабарлайды. Екі шенеуніктің де мансап жолы әлденеше рет тоғысқан - 2002-2007 жылдары Тұрғанов "KEGOC" АҚ вице-президенті болғанда, бұл компанияны Бозымбаев басқарды. Кейін Бозымбаев Павлодар облысының әкімі болғанда, Тұрғанов оның бірінші орынбасары қызметін атқарды.

Қалай болғанда да, сайлауалды науқанына дейін Тұрғановтың кандидатурасын Ақорда Досмұхамбетовтің орнын басатын адам ретінде қарастырған.

Одан басқа, аяқ астынан босаған бірінші орынбасардың орнына елордадан жіберілген Серік Айдарбековты әкім қызметіне үміткерлердің бірі ретінде атайды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір