Павлодарда Ресейде қылмыс жасаған бірнеше адам ұсталды

Павлодарлық полицейлер бір күнде Ресейде қылмыс жасаған13 қылмыскердің орналасқан жерін анықтады. Бүгіндері өңірде қылмыскерлерді, оның ішінде ауыр, аса ауыр қылмыс жасағандарды іздестіріп, ұстауға арналған "іздестіру" жедел алдын алу шарасы өтіп жатыр, деп хабарлайды Zakon.kz.

Шараның бірінші күні жедел уәкілдер 13 қылмыскердің орналасқан жерін анықтады.

Мәселен, Павлодар қаласында осы жылдың тамыз айында Ресей полицейлері халықаралық іздеу жариялаған, Омбы облысында алаяқтық жасаған 21 жастағы ер адамды ұстады. Қазіргі уақытта ол қамауда. Ақсу қаласында 2016 жылы Ресейдің Иваново қаласында қарақшылық жасаған 41 жастағы жергілікті тұрғын ұсталды. Облыстық ПД Криминалдық полиция басқармасының бастығы Балғабай Қапаров

Полиция Ертіс ауылында есірткі заттарын заңсыз сатып алғаны және сақтағаны үшін іздестіріліп жатқан 69 жастағы адамның ұсталғанын атап өтті. Ол қылмысты 2014 жылы Омбы облысының аумағында жасаған. Алайда, ер адам қылмыстық қудалаудан қашып кеткен.

Ұсталғандар туралы мәліметтер іздестіру бастамашыларына хабарланды, - деді департаменттегілер.

Сондай-ақ полицейлер 4 маусымнан бері туыстарымен байланысқа шықпаған 53 жастағы азаматтың тұрған жерін анықтады. Осы уақыт аралығында ол Ермейнтау қаласындағы шаруа қожалықтарының біріне жұмысқа орналасып, бірақ туыстарына ескертуді ұмытып кеткен.