Павлодарда алаяқ қос құрбы ұсталды

11:45, 24 қыркүйек 2021
156

© Сурет: zakon.kz

Павлодардың екі тұрғыны Алматыдағы пәтерлерді сөз жүзінде жалға беріп, ақша тапқан, деп хабарлайды zakon.kz.

Полицияның мәліметінше, қос келіншек басқа адамдардың жарнамасындағы суреттерді Интернетке көшіріп салып, бірақ жалдау ақысын төмендетіп көрсеткен.

Клиенттермен келіссөз тек телефон арқылы жүргізіліп келген. Жәбірленушілер ақша аударған соң екеуі бірден жарнаманы алып тастап, ұялы телефондарын сөндіріп отырған, - дейді Алматы қалалық ПД Криминалдық полиция басқармасының бастығы Қуатбек Науатов.

ҚР Қылмыстық кодексінің 190-бабы, "Алаяқтық" бойынша сотқа дейінгі тергеу ісі қолға алынды.

Қазіргі уақытта зардап шеккендер анықталып жатыр. Олар бірнешеу. Екі күдіктінің де бұрын сотты болғанын айта кетелік, - деп атап өтті баспасөз қызметі.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір