Нығматулин: Абай мұрасы қазақ халқының сан ғасырлық даналығының көрінісі
ҚР Парламенті Мәжілісінің төрағасы Нұрлан Нығматулин барша қазақстандықтарды тұңғыш рет аталатын Абай күні мерекесімен құттықтады. Бұл туралы ол өзінің твиттер парақшасында жариялады, деп хабарлайды zakon.kz Мәжілістің баспасөз қызметіне сілтеме жасап.
"Барша қазақстандықтарды биыл тұңғыш рет аталатын Абай күнімен құттықтаймын! Абай мұрасы-елімізді, халқымызды әрқашанда жаңашылдыққа,әділдікке, ғылым-білімге, өркениетке жетелейтін баға жетпес құндылық. Елім, жерім дейтін әрбір азамат үшін Ұлы ақынның өсиетін білу қасиетті парыз", - деп жазды өз парақшасында.
Мәжіліс Төрағасы дәл бүгін Ұлы ақын, данышпан ойшыл, ұлтын ұлылыққа үндеген дара тұлға Абай Құнанбайұлының туғанына 175 жыл толғанын алға тарта келіп, Абай күні мерекесінің маңыздылығына тоқталды. Осы орайда, Нұрлан Нығматулин Ел Басшылығы әрқашанда Абай мұрасы арқылы еліміздің рухани бағытын дамытуға зор көңіл бөліп келе жатқанын атап өтті.
"Оған Елбасы Нұрсұлтан Әбішұлы Назарбаевтың Абайды қазақтың бойтұмары ретінде, ал, Мемлекет Басшысы Қасым-Жомарт Кемелұлы Тоқаевтың Абайды рухани реформатор ретінде дәріптеп, Қазақстан қоғамын Абай ұстанымына сай дамыту қажеттігі туралы бастамасы дәлел деуге болады. Қазақ халқының сан ғасырлық даналығының көрінісі саналатын Ұлы ақынның бай мұрасы еліміздің рухани дамуының негізі", - деді Нығматулин.
Мәжіліс Төрағасы атап өткендей, адамзаттың Абайы атанған ұлы кемеңгердің асыл сөздері бүкіл әлемге ортақ құнды қазына. Ал, туған халқы үшін Абай өсиеті адамгершілік асыл қасиеттерді биік ұстай отырып, алға жетелеуші рухани зор күш. Сонымен бірге, барша қазақстандықтарды ортақ мақсатқа біріктіре отырып, өркениет биігіне жетелейтін жарық жұлдыз екені сөзсіз.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:35, 19 сәуір 2024
Қасым-Жомарт Тоқаев пен Садыр Жапаров екі елдің Жоғары мемлекетаралық кеңесінің отырысына қатысты
-
13:20, 19 сәуір 2024
Роза Рымбаева жаңа атаққа ие болды
-
12:42, 19 сәуір 2024
Тоқаев: «Қырғыз бен қазақтай бір-біріне жақын халық жоқ»
-
12:31, 19 сәуір 2024
Алматы мен Астанадағы айырбастау пункттеріндегі 19 сәуірдегі валюта бағамы
-
12:01, 19 сәуір 2024
Садыр Жапаровты салтанатты түрде қарсы алу рәсімі өтті