Нұрлан Әлімжан Парламенттің алғашқы отырысына неге бармай қалған?

16:23, 11 қыркүйек 2019
103

ҚР Парламенті Мәжілісіне жаңадан қосылған депутат әрі өнер иесі Нұрлан Әлімжан алғашқы пленарлық отырысқа неге қатыспағанын түсіндірді, деп хабарлайды Zakon.kz.

Сөйтсе оның бұл арада ешқандай кінәсі болмай шықты.

"Мен ол кезде әлі депутаттық мандатымды алып үлгермегенмін. Сондықтан ол жиналысқа қатысуға қақым болмады. Бұл менің қателігім емес, менің алдыма дейін депутат болған Бақтияр Мәкен мандатын ол кезде Орталық сайлау комиссиясына енді өткізіп жатты. Одан кейін мандат маған берілді. Бәрі де заң жүзінде. "Nur Otan" партиясының мүше болғаныма 10 жылдан асты. 2009 жылдан бастап. "Ағайындылар" фильмі жарыққа шыққаннан кейін "Nur Otan" өзіне шақырды мені. Сол кезде партия мүшесі болдым, - дейді Нұрлан Әлімжан.

Сөз соңында ол Алматыдан елордаға көшіп жатқанын да айтып қалды.

- Менің әке-шешем Нұр-Сұлтан қаласында тұрады. Ал мен Алматыдамын. Осыған дейін екі жақта жүре беретінмін. Енді Нұр-Сұлтанға дұрыстап тұрақтайтын болдым, - дейді ол.


Источник: zakon.kz


Пікір