Нұр-Сұлтанда карантинді бұзған адам 7 жылға жүргізуші куәлігінен айырылды

21:00, 22 наурыз 2020
486

Нұр-Сұлтан қаласында мас жүргізуші бақылау-өткізу пунктін бұзып өтпек болды, деп хабарлайды zakon.kz.

Polisia.kz хабарлауынша, 22 наурызда түнгі сағат 03.35-те BMW көлігінің 30 жастағы жүргізушісі мас күйінде елордаға кіруге және одан шығуға толық тыйым салынғанына қарамастан, бақылау-өткізу пунктінен өтпек болған.

Ер адам төтенше жағдай жарияланған жерде қоғамдық тәртіпті сақтау бойынша қызметтік міндеттерін атқарып жүрген ішкі істер органдары қызметкерлеріне бағынбай, блок-бекеттен өтпек болған. Оны полиция қызметкерлері ұстады. Ұсталған адамға қатысты ҚР Әкімшілік құқық бұзушылық туралы кодексінің 478-бабы, яғни "Төтенше жағдай кезінде заңдылық пен тәртіпті бұзу, ішкі істер органдары қызметкерлерінің заңды талаптарына қарсы келу" және ҚР Әкімшілік құқық бұзушылық туралы кодексінің 608-бабы, яғни "Жүргізушінің алкогольді, есірткі және улы затпен мас күйінде рөлге отыруы" бойынша әкімшілік хаттама толтырылды.

Нұр-Сұлтан қаласының мамандандырылған ауданаралық әкімшілік сотының шешіміне сәйкес, бұл азамат 15 тәулік мерзімге қамауға алынып, 7 жылға жүргізуші куәлігінен айырылды. Сонымен қатар, құқық бұзушыға 40 АЕК көлемінде айыппұл салынды.

19 наурыздан бастап Нұр-Сұлтан мен Алматыда карантин жарияланып, өткізу бекеттерінде жол тосқауылдары қойылды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!