Не істерін білмеген жедел жәрдем қызметкері желіде жазба жариялады
БҚО денсаулық сақтау басқармасы жедел жәрдем станциясы қызметкерлері арасында ауру жұқтыру дерегі өте жоғары деген мәліметке қатысты түсініктеме берді, деп хабарлайды zakon.kz Мой город басылымына сілтеме жасап.
Instagram-дағы zhaloba_uralsk_ парақшасында жарияланған жазба авторының айтуынша, жедел жәрдем қызметкерлерінің көпшілігінде дене қызуы бар, бірақ оларды ешкім жұмыстан босатпайды.
- Мен жедел жәрдем қызметінде жұмыс істеймін, қызметкерлердің тең жартысы ауырып жүр, бізден тест қабылдауды да тоқтатты, дегенмен ауырғандар арамызда көбейіп келеді. Өйткені дене қызуымыз болып тұрса да жұмысқа барамыз, бір-бірімізге ауру жұқтырамыз. Бізді үйде күтіп отырған отбасымыз бар. Емделу үшін жұмыстан босатпайды. Тест нәтижесі туралы сұраймыз, ешкім жауап бермейді, ал былай қарасаңыз біз науқаспен тікелей байланыстағы тұлғамыз ғой, деп жазады автор.
Бұл жазба көпшіліктің ашуын туғызған. "Көмектеседі деп шақырған жәдел жәрдемнің өзі ауру жұқтырады ма сонда" деп жазды желідегілер.
БҚО денсаулық сақтау басқармасы 28 маусымда облыстық жедел жәрдем станциясының 17 қызметкерінен коронавирус инфекциясы анықталғанын хабарлады.
- 11 науқас - медицина қызметкерлері, үшеуі емделіп, жазылды, ал сегізі емделу үшін жұмыстан босатылды. Алты науқас - басқа персоналға жатады, олардың төртеуі ауруынан сауықты, екеуі - ауруына байланысты еңбек демалысын алды. Облыстық медициналық жедел жәрдем станциясындағы эпидемиологиялық жағдайға байланысты ауысымды өткізу кезінде жұмысшылар үнемі тексеруден өткізіліп тұрады. Дене қызуы көтерілген жағдайда жедел жәрдем қызметкері ауысымға шықпайды, оны басқасымен алмастырады. Ал ауырып қалған қызметкер тұрғылықты мекен-жайы бойынша тіркеудегі медициналық мекеменің бақылауына алынады, ПТР бойынша анализ тапсырады. Жедел жәрдемнің барлық қызметкері жеке қорғаныс құралдарымен (костюмдер, медициналық маскалар, қолғаптар) жеткілікті деңгейде қамтамасыз етілген, деп хабарлады басқармадағыдар.
Жедел жәрдем қызметінің басшылығы қызметкерлеріне жұмыс уақытында ғана емес, сонымен қатар күнделікті өмірде санитарлық-дезинфекциялық режимді сақтау қажеттілігі туралы үнемі түсіндіру жұмыстарын жүргізіп отырады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:13, 24 сәуір 2024
Атырау облысының полициясы егіздерге қатысты жасалған зорлық-зомбылық туралы тың мәліметтермен бөлісті
-
17:00, 24 сәуір 2024
Алматы облысында судья мен сот приставы жемқорлық үшін сотталды
-
16:49, 24 сәуір 2024
Теміржолшылар қазақстандықтарға үндеу жолдады
-
16:31, 24 сәуір 2024
Су тасқынына байланысты Қазақстан халқы Ассамблеясының сессиясы онлайн-форматта өтеді
-
16:31, 24 сәуір 2024
Тоқаев су жаңа ҚХА Төрағасының орынбасарларын қабылдады