Мемлекет басшысы Қазақстанның өлім жазасынан бас тартуына байланысты түсінік берді

18:37, 25 қыркүйек 2020

Президент Қасым-Жомарт Тоқаев Қазақстанның өлім жазасынан бас тартуға бағытталған Азаматтық және саяси құқықтар туралы халықаралық пактінің Екінші факультативті хаттамасына қол қоюына байланысты түсініктеме берді, деп хабарлайды zakon.kz.

- Жақында Қазақстанда өлім жазасын жоюды қарастыратын Екінші факультативті хаттамаға қосылдық. Сонымен қатар, бұл іс-қимыл Конституцияға толық сәйкес келеді және негізгі заңға ешқандай өзгеріс енгізуді қажет етпейді. Өлім жазасын біздің Тұңғыш Президентіміз жариялаған мораторий қарастырады. Шындығында, біздің елімізде өлім жазасы жоқ. Конституцияда қарастырылған екі кішігірім ерекшелік бар және бұл факультативті хаттаманың рухына толық сәйкес келеді, - деді Президент Алматыға жұмыс сапары барысында.

24 қыркүйекте Біріккен Ұлттар Ұйымының штаб-пәтерінде Қазақстанның БҰҰ жанындағы Тұрақты өкілі Қайрат Омаров өлім жазасын жоюға бағытталған Азаматтық және саяси құқықтар туралы халықаралық пактіге екінші Факультативтік хаттамаға қол қойғаны белгілі болды. Сол күні өлім жазасын жою туралы халықаралық Хаттамаға қосылу туралы шешімді Қазақстан Президенті Қасым-Жомарт Тоқаев БҰҰ Бас Ассамблеясының 75-ші мерейтойлық сессиясының жалпы саяси пікірталас барасында сөйлеген сөзінде жариялады. Ол Қазақстан өмір сүру мен адами қадір-қасиетке негізделген құқықты жүзеге асыруға бекем екенін атап өтті.

Халықаралық келісім Қазақстан Республикасының Парламенті ратификацияланғаннан кейін өз күшіне енеді.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!