Маңғыстауда «Қошқар Ата» қалдық қоймасын қалпына келтіру жұмыстары жалғасуда

13:30, 30 маусым 2022

© Сурет: Маңғыстау облысы әкімінің баспасөз қызметі

Бұл туралы бүгін, 30-шы маусымда Орталық коммуникациялар қызметінде өткен брифингте Маңғыстау облысының әкімі Нұрлан Ноғаев мәлім етті, деп хабарлайды Zakon.kz.

Бүгінде облыстың экологиялық өзекті мәселесінің бірі - «Қошқар-Ата» қалдық қоймасы. Қазіргі таңда қалдық қоймасын қалпына келтірудің I кезеңі бойынша 905 га жерге рекультивация жұмыстары жалғасуда. Тиісті қаражат республикалық бюджеттен қарастырылған.

Бүгінгі таңда 120 гектарға рекультивациялау жұмыстары жүргізілді және 40 гектар жерге қара сексеуіл отырғызу жұмыстары басталды. Жалпы жоспарланған жұмыстарды аяқтау арқылы 105 млн.тоннадан астам уытты, оның ішінде 52 млн.тоннадай әлсіз радиоактивтік қалдықтарды көмуге мүмкіндік болады.

Сурет: Маңғыстау облысы әкімінің баспасөз қызметі

Сонымен қатар экологиялық ахуалды жақсарту мақсатында құм тоқтату жұмыстары жалғасуда. 2021 жылы Үштаған, Тұщықұдық, Шебір, Сенек ауылдарында құм тоқтату жұмыстары толықтай аяқталып, жалпы 3 236 гектар жасыл желектер пайда болды.

Алдағы уақытта Жарма, Сауысқан және Сазды ауылдарын құм көшкінінен қорғау жұмыстары жалғасады.

Оқи отырыңыз

Павлодар облысында мемлекеттік шекараны заңсыз өткен ресейлік ұсталды

Қазақстанда жетім балаларға қамқоршы тағайындау тәртібі жеңілдейді

Биыл Маңғыстау облысының мал шаруашылығына 580 млн теңге субсидия бөлінді

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!