Маңғыстау облысының әкімі Серікбай Трұмов «Спутник V» екпесін салдырды
© Сурет: inform.kz
Бүгін Маңғыстау облысының әкімі Серікбай Трұмов коронавирусқа қарсы екпе салдырды. Қазір денсаулығы жақсы, кері әсері жоқ. Қалыпты жағдайда жұмысын атқарып жатыр, деп хабарлайды zakon.kz Маңғыстау облысы әкімінің баспасөз қызметіне сілтеме жасап.
Жер бетін жайлаған қауіпті індеттен құтылудың жалғыз жолы – вакцинация. Ғалымдардың, білікті дәрігерлердің айтуынша, вакцина пайдаланған кезде иммундық жүйе күшейеді. Ал біз екпені жаппай салғызсақ, вирустың одан әрі таралуына жол бермейміз, індетке тұтастай тосқауыл қоя аламыз. Сондықтан да баршаңызды вакцина алуға шақырамын, - деді С.Трұмов.
Күні кеше өңірге 11 мың доза көлемінде "Спутник V" вакцинасының кезекті партиясы жеткізілді. Қазір Ақтау мен Жаңаөзен қаласында және аудан орталықтарында арнайы дайындалған егу кабинеттері жұмыс істеуде. Өңір тұрғындары өзі тұратын ауданға қарамастан егу кабинеттерінің кез-келгеніне барып, короновирусқа қарсы вакцина салдыра алады.
Келесі аптадан бастап ірі сауда үйлерінде, спорт мектептерінде, колледждерде, "Ақтау" сауда ойын-сауық орталығында қосымша жылжымалы егу пункттерін ашу жоспарланып отыр. Арнайы бригадалар Халыққа қызмет көрсету орталығында, "Атамекен" ӨКП және т.б. нысандарда жұмыс істейді.
Әлемді дүрліктірген пандемиядан еліміз де аз зардап шеккен жоқ. Бір жылдың ішінде қаншама отбасы қара жамылып, арыстай азаматтарымыздан айырылдық. Былтырғы жағдайдың қайталанбауы үшін де дәрігерлер кеңесіне жүгініп, дұрыс шешім қабылдауға шақырамын. Ауызбіршілігіміздің арқасында бұл сыннан да сүрінбей өтеміз деген сенімдемін, - деді Маңғыстау облысының әкімі.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
16:01, 29 наурыз 2024
Елімізде екі айда 3 мыңнан астам интернет-алаяқтық дерегі тіркелді
-
15:40, 29 наурыз 2024
Роман Скляр Ақтөбе облысындағы су тасқыны жағдайымен танысты
-
15:22, 29 наурыз 2024
«Еліткіш газды» айналымға енгізетіндер үшін жаза күшейтіледі
-
15:05, 29 наурыз 2024
Алматы полициясы GSM терминацияға арналған алаяқтық жабдығы бар пәтерді анықтады
-
14:43, 29 наурыз 2024
29 наурыздағы түскі саудада доллардың құлдырауы жалғасты