Қызылорда облысының диқандары егін жинау науқанын қорытындылауда
Сырбойылық егіншілер биыл 184,5 мың гектар аумаққа тұқым септі. Қызылорда облысы бойынша Zakon.kz тілшісі хабарлайды.
Оның 95,3 мың гектары – дәндi, 10,3 мың гектары – майлы, 61,5 мың гектары – мал азығы түріндегі дақылдар. Ал 17,4 мың гектар жерді картоп, көкөніс және бақша дақылдары құрады. Негізгі дақыл – күріш – 87,3 мың гектар аумаққа егіліп, қазір гектарына 54,5 центнерден өнім айналып, 473 422 тонна астық жиналды. Жергілікті диқандар өткен жылы Сыр маржанының әр гектарынан 55,3 центнерден өнім алып, өңір тарихында алғаш рет қамбаға жарты миллион тоннадан астам астық құйып, рекордтық көрсеткішке қол жеткізген болатын.
Дала еңбеккерлері күріштен басқа дақыл түрлерін де жауын-шашынға ұрындырмай жинап алғанына риза. Атап айтқанда, 7483 тонна күздік бидай, 2695 тонна жаздық бидай, 368 тонна арпа, 3849 тонна дәндік жүгері, 1766 тонна тары қамбаға құйылды. Сондай-ақ, орташа өнім гектарына картоп – 174,5, көкөніс – 202,2, бақша дақылдары 235,7 центнерден алынды. Майлы дақылдар – мақсары (8317 тонна) мен күнбағыстың (179 тонна) да шығымы биыл жаман болған жоқ.
Құнарлы мал азығын дайындау үшін ескі жоңышқа дақылы екі рет орылып, барлығы 188 963 тонна, сонымен қатар, 17 914 тонна жаңа жоңышқа, 60 тонна түйе жоңышқа, 206,9 мың тонна шөп және 7750 тонна сүрлем дайындалды. Бүгінде мал азығы үшін 485,7 мың тонна табиғи шөп және 37 мың тонна сабан әзір.
Telegram арнасындағы маңызды жаңалықтар «zakon.kz». Жазылу!
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
15:45, 24 сәуір 2024
Қазақстанда -8°C-қа дейін суытады
-
15:31, 24 сәуір 2024
Қазақстанға еңбек мигранттары қай елдерден көп келеді
-
15:07, 24 сәуір 2024
БҚО-да су тасқынынан келтірілген залалды өтеу жұмыстары басталды
-
14:54, 24 сәуір 2024
Түркістан облысында кәмелетке толмаған бала құрдасына жыныстық сипатағы зорлық көрсеткені үшін тұтқындалды
-
14:39, 24 сәуір 2024
Көк-төбедегі телемұнараға найзағай түсті