Қызылорда облысы әкімі қарттар үйіне барып, ардагерлерді құттықтады
© Сурет: Қызылорда облысы әкімінің баспасөз қызметі
Халықаралық қарттар күнінде облыс әкімі Нұрлыбек Нәлібаев №1 Қызылорда арнаулы әлеуметтік қызметтер көрсету орталығына барып, мұндағы қызметке жүгінетін ардагерлердің жағдайын сұрап, пікірлерін біліп қайтты, деп хабарлайды Zakon.kz.
Қызылорда облысы әкімінің баспасөз қызметінің мәліметінше, Сыр өңірінде 78 мыңнан аса зейнет жасындағы ардагер бар. Олардың әрқайсысы мемлекеттің қолдауын сезінеді. Аймақта қариялардың лайықты деңгейде өмір сүруі үшін зейнеткерлерді сауықтыру және спорттық шаралармен қамту жұмыстары ұдайы жүргізіледі.
Біз "Қартын сыйлаған елде қасиет бар" деген аталы сөзге бас иген дана халықтың ұрпағы ретінде ардагерлерімізді ардақтап, сый-құрмет көрсетуді перзенттік парыз санаймыз. Абыз ақсақалдыққа, қадірлі қариялыққа жету - өмір мектебінен өткен әрбір адамның мерейлі кезеңі. Сіздер қай уақытта болмасын орамды ойларыңызбен елді берекелі бірлікке, тату тірлікке үндеп келесіздер. Мен Өздеріңізбен орайы келгенде жиірек жолығып, еркін пікірлесіп, кесімді ойларыңыз бен ұтымды ұсыныстарыңызды тыңдауға қашанда әзірмін. Сіздер аман болыңыздар. Қызылорда облысы әкімі Нұрлыбек Нәлібаев
Қызылорда облысы әкімінің баспасөз қызметі
Мерейлі сәтте ардагерлерді құттықтауға келген облыстық ардагерлер кеңесінің төрағасы Серік Дүйсенбаев замандастарына бақ-береке тіледі.
Сурет: Қызылорда облысы әкімдігінің баспасөз қызметі
Қызылорда облысы әкімдігінің баспасөз қызметінің мәліметінше, бүгіндері бұл орталықта 250-ге жуық ардагер және мүгедектігі бар азаматтар қызмет алады. Заман талабына сай жабдықталған ғимаратта өткен жылы спорт алаңы салынып, пайдалануға берілсе, биыл қызмет алушылардың рухани демалыстарына ерекше көңіл бөлінбек. Бұл ретте еліміздің тарихи, мәдени орындарына саяхат жасауға шағын автобус сатып алу үшін бюджеттен 21 млн теңге қаржы қаралды.
Сурет: Қызылорда облысы әкімдігінің баспасөз қызметі
Басқосуда облыс әкімі қариялардың игілігіне арнап әлеуметтік орталыққа арнайы сыйлық табыс етті.
Сурет: Қызылорда облысы әкімдігінің баспасөз қызметі
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
14:04, 19 наурыз 2024
Қазақстан картасынан қай қалалар жоғалып кетуі мүмкін
-
13:47, 19 наурыз 2024
Қазақстанда вейпинг пен құмар ойындарға тәуелділікке байланысты мектеп бағдарламасы өзгереді
-
13:22, 19 наурыз 2024
Наурызнама: Алматыда ұлттық киім күні қалай өтті
-
12:50, 19 наурыз 2024
Ақтөбе облысының полицейлері заңсыз айналымнан 500 дозадан астам есірткі тәркіледі
-
12:31, 19 наурыз 2024
Қазақстан айырбастау пункттеріндегі 19 наурыздағы валюта бағамы