Қытайдан қашқан этникалық қазақтар бір жылға бас бостандығынан айырылды
Шығыс Қазақстан облысы Зайсан аудандық соты "мемлекеттік шекараны заңсыз кесіп өтті" деп айыпталған этникалық екі қазақ - Қастер Мұсаханұлы мен Мұрагер Әлімұлына бір жылға бас бостандығынан айыру туралы үкім шығарды, деп хабарлайды zakon.kz.
Судья Шынар Оспанова Қастер Мұсаханұлы мен Мұрагер Әлімұлын әрқайсысын бір жылға бас бостандығынан айырып, жазасын қауіпсіздігі төмен мекемеде өтеуді бұйырды. Сонымен қатар олардың әрқайсысына 25 250 теңге көлемінде айыппұл салды. Сот оларды Қытайға қайтармауды үкім етті.
Жазаны жұмсарту кезінде айыпталушылардың өз кінәсін толықтай мойындап, полицияға өздері келіп берілуі және қылмыс орындарын көрсетуі сынды барлық жауапты әрекеттері ескерліген. Одан бөлек екі сотталушы да жас, артында қалған кішкентай балалары әрі қарт ата-анасы бар. Осының бәрін ескере отырып, сот үкім шығарғанда оларды Қазақстан территориясынан шығару туралы жазаны қолданбады. Сот үкімі әлі заңды күшіне енген жоқ, оған қарсы аппеляциялық шағым түсіруге болады.
2019 жылы қазан айының басында Қытайдың Шыңжаң өлкесінде туып өскен этникалық қазақтар Қастер Мұсаханұлы мен Мұрагер Әлімұлының Қазақстан шекарасын заңсыз кесіп өткені белгілі болды. Олар Шыңжаңдағы мұсылмандардың қысымға ұшырауына байланысты шекара асып кеткендерін айтқан. Одан кейін оларды ұстап, Қытай шекарасымен шектесетін Зайсан қаласына тергеу изоляторына тоғытқан.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
09:52, 29 наурыз 2024
Полиция 18 жылдан бері мемлекетаралық іздеуде жүрген шетелдік азаматты ұстады
-
09:36, 29 наурыз 2024
Зейнетақыны қайта есептетіп, мөлшерін арттыруға болады
-
09:21, 29 наурыз 2024
Өмір бойына бас бостандығынан айырылды: Үш жасар егіздер мен тоғыз жасар қызды зорлаған өгей әкеге үкім шықты
-
09:01, 29 наурыз 2024
Алматыда қолайсыз ауа райының салдары жойылды
-
22:51, 28 наурыз 2024
Павлодарда жүкті жеңгесін ұрып-соққан ер адам қамауға алынды: бала шетінеп кеткен