Құлыбаев кей қызметтерінен ақырындап кетіп жатыр
Тимур Құлыбаев Қазақстан бокс федерациясының басшысы қызметінен кетті, деп хабарлайды Zakon.kz тілшісі.
- Мен Ұлттық Олимпиада комитетінің президенті болып қайта сайландым. Мәдениет және спорт министрлігімен бірлескен жұмыстың арқасында заңнамаға түзетулер қабылданды. Соған сәйкес, біз ҰОК ретінде олимпиадалық спорт түрлерін қаржыландыру міндетін орындап жатырмыз. Бұл жұмыс бір жыл бойы жалғасып келеді және мүдделер қақтығысына жол бермеу үшін мен Қазақстан бокс федерациясының президенті ретіндегі, сондай-ақ ҚР судағы спорт түрлері федерациясы президенті ретіндегі өкілеттігімді тоқтату туралы шешім қабылдадым, - деді Құлыбаев федерацияның жыл сайынғы конференциясында.
Ол Ұлттық Олимпиада комитетінің президенті ретінде спортты, ең алдымен боксты дамытуға қатысты барлық мәселелермен толықтай айналысатынын айтты.
- Сіздермен бірге біз 10 жыл бойы спортымыздың дамуы үшін жұмыс атқардық. Менің нәтижелерім жаман емес деп ойлаймын: 2 Олимпиада чемпионы, 11 әлем чемпионы және Вал Паркер кубогы. Ең бастысы, біз жоғары халықаралық деңгейдегі спортшыларды даярлаудың тиімді жүйесін құрдық, - деді Тимур Құлыбаев.
Ол Қазақстан бокс федерациясының президенті қызметіне ұлттық спортты дамыту ісіне белсенді қатысып жүрген Кеңес Рақышевтің кандидатурасын ұсынды.
- Бұл кісі – Қазақстан спортының дамуына белсенді қатысатын маман, Азия бокс конфедерациясының вице-президенті болған. Ол бір жыл бойы Бокс федерациясының халықаралық қатынастар жөніндегі вице-президенті болып жұмыс істеп келді. Кеңес Хамитұлы меценат, новатор ретінде танымал. Менің ойымша, ол жұмыстың тың тәсілдерін тауып, лайықты көшбасшы бола алады, - деп түйіндеді сөзін Құлыбаев.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:17, 28 наурыз 2024
Алматыда экопосттар жойылады ма - Ішкі істер министрлігі жауап берді
-
12:59, 28 наурыз 2024
Жамбыл облысында қоймада шіріген пияз қоқысқа тасталып жатыр
-
12:43, 28 наурыз 2024
Крокус Сити Холлдағы теракт: Қазақстандағы барлық сауда орталықтары мен концерт залдары тексеріледі
-
12:25, 28 наурыз 2024
Қазақстандағы мопедистерге жаңа талаптар қойылады
-
12:06, 28 наурыз 2024
Бектенов Қазақстанның су тасқыны қаупі бар өңірінде болды