Қос қалада дайын құжаттарды үйге жеткізу қызметі іске қосылды
© Сурет: Ашық дерекөздерден алынды
"Азаматтарға арналған үкімет" тұтынушының үйіне дейін дайын құжаттарды жеткізу қызметін іске қосты. Құны қала бойынша - 970 теңге, деп хабарлайды zakon.kz.
Оған 144 Мемлекеттік қызмет қосылды, оның ішінде жылжымайтын мүлікке құқықтарды (ауыртпалықтарды) мемлекеттік тіркеу, жер учаскелерінің актілері, білім туралы құжаттарды апостильдеу, мұрағат анықтамалары, әскери билеттердің телнұсқаларын беру және басқалар бар.
Жақын арада жүргізуші куәлігін, жеке куәліктерді, паспорттарды және басқа да құжаттарды үйге дейін тапсырыспен жеткізу қызметтері қолжетімді болады.
Құжаттар дайын болғаннан кейін тұтынушының қажетті мекенжайына құжаттарды жеткізуді рәсімдеуді ұсынатын веб-сілтемесі бар SMS-хабарлама жолданады. Қызмет ақылы, қала бойынша жеткізу құны – 970 теңге.
"Біз қазақстандықтар үшін мемлекеттік қызметтерді алу кезінде барынша қолайлы жағдай жасауға тырысамыз. Құжаттарды үйге жеткізу сервисін өткен жылы сынай бастадық және біртіндеп оны жетілдіріп келеміз. Бұл біздің клиенттеріміздің мемлекеттік қызметтерді алу барысын жеңілдетіп, олардың қаржысы мен уақытын айтарлықтай үнемдейді. Бүгінде сервис алматылықтар мен елорда тұрғындары үшін қолжетімді, жақын арада сервисті өзге қала тұрғындары да пайдалана алатын болады", – деді "Азаматтарға арналған үкіметтің" басқарма төрағасы Әділ Қожықов.
Құжаттарды жеткізу бойынша пилоттық жоба бір ай бұрын астаналық ХҚО-лардың бірінде іске қосылды, онда серіктес курьерлік қызмет арқылы 50-ден астам құжат жеткізілді.
2020 жылдың қазан айында еgov.kz электрондық үкімет порталында осыған ұқсас қызмет пайда болды, ол кезде автокөліктердің мемлекеттік нөмірлері мен дайын техпаспорттарын үйге жеткізу сервисі іске қосылды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
14:43, 28 наурыз 2024
Асхат Оралов жаңа қызметке тағайындалды
-
14:27, 28 наурыз 2024
Ауыр қылмыс жасады деген күдікті қазақстандықтар Түркиядан қайтарылды
-
14:02, 28 наурыз 2024
Тоқаев Біріккен Ұлттар Ұйымы тарихындағы ең үздік бас хатшылардың бірін атады
-
13:39, 28 наурыз 2024
Елімізде жұмыс орындарын көбейту көзделіп отыр
-
13:17, 28 наурыз 2024
Алматыда экопосттар жұмысын жалғастыра ма - Ішкі істер министрлігі жауап берді