Көкшетауда оқ атқан бұзақы ұсталды

15:48, 28 қаңтар 2021

Ақмола облыстық тәртіп сақшылары тапаншамен аспанға оқ атқан бұзақыны ұстады. Ол осылайша қарсыласын қорқытуға тырысқан, деп хабарлайды zakon.kz.

27 қаңтарда Көкшетау қалалық полициясына 20 жастағы жас жігіттен арыз келіп түсті. Ол танысының өзара жанжал кезінде тапаншадан аспанға оқ атқанын айтты. Оқиға кешке қаладағы сауда үйлерінің бірінің маңында болған. Криминалдық полиция бөлімінің қызметкерлері шабуылдаушыны ізін суытпай анықтады. Ол Көкшетау қаласының 19 жастағы тұрғыны болып шықты. Полиция одан екі тапаншаны тәркіледі: шулағыш дабылы бар және пневматикалық.

Жәбірленуші мен күдіктінің арасындағы дұрдараз қарым-қатынас ұзақ уақыт жалғасып келе жатқан болып шықты, ақыры ол осындай ашық айқасқа айналды.

"Бұзақылық" бабы бойынша тергеу басталды. Күдіктіге қатысты "келіп, көрініп тұру" тұрғысында процессуалдық мәжбүрлеу шарасы таңдалды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!