Қазақстанның бас санитарлық дәрігері жаңа қаулыға қол қойды

ҚР Бас мемлекеттік санитарлық дәрігері Ерлан Қиясов жаңа қаулыға қол қойды, деп хабарлайды Zakon.kz.

Жаңа қаулыда Қазақстан Республикасының Бас мемлекеттік санитариялық дәрігері 2021 жылғы 2 қыркүйектегі № 38 қаулысына өзгерістер мен толықтырулар енгізген.

Құжатта карантин кезеңінде медициналық-әлеуметтік объектілерде (қарттар, мүгедектер үйлері, сәбилер үйлері және басқалары) болуға мынандай жағдайда рұқсат етілетінін айтылады.

Босанатын әйелдер босандыру ұйымдарына түскен кезде, сондай-ақ өмірлік көрсеткіштері бойынша шұғыл көмек көрсетуге мұқтаж пациенттер көп бейінді стационарларға түскен кезде медициналық көмек COVID – 19-ға зертханалық тексеру нәтижелерін күтпей, жеке қорғаныш құралдарын пайдалана отырып, эпидемияға қарсы режимді сақтай отырып, оқшауланған үй-жайда көрсетіледі, - делінген қаулыда.

Қаулыдан көрініп тұрғандай,"covid-19-ға қарсы вакцинацияланбаған, медициналық көмек көрсетуге тартылған персонал пациентте COVID-19 диагнозы расталған кезде үй карантиніне оқшаулауға және COVID-19-ға зертханалық тексеруге жатады".

Пациенттерді, оның ішінде жүкті әйелдерді, босанған әйелдерді және балаларды стационарға (оның ішінде күндізгі стационарға) жоспарлы емдеуге жатқызу берілген күнінен бастап бес тәуліктен аспайтын уақыт өткен ПТР әдісімен COVID-19 тестілеу нәтижелерінің немесе екінші компонентті алғаннан кейін алты айдан аспайтын уақыт өткен covid-19-ға қарсы ревакцинация немесе толық вакцинация курсын алғанын растайтын құжаттың (тұрақты медициналық қарсы көрсетілімдері бар адамдарды және соңғы үш ай ішінде COVID – 19-мен ауырып жазылған адамдарды қоспағанда) болуымен жүзеге асырылады.

Қаулы қол қойылған күнінен бастап күшіне енеді.

Құжаттың толық мәтінімен мына жерде танысуға болады.