Қазақстанда жылжымайтын мүлік жөніндегі мәмілені онлайн жасауға болады

Әділет вице-министрі Қызылордаға сапары кезінде қазақстандықтардың өмірін жеңілдететін цифрлық жүйелер бірқатар салаға енгенін айтты, деп хабарлайды Zakon.kz.

Қазақстан тұрғындары жылжымайтын мүлікке жөніндегі мәмілені кез келген нотариуста онлайн жасай алады. Азаматтар бұрынғыдай мүлік орналасқан жерге барып, уақыт шығындамайды.

Қазір азаматтық хал актілерін тіркеу кезінде туу, неке және қайтыс болу туралы куәлікті екінші деңгейлі банк қосымшалары арқылы электрон түрде алуға болады.