Қазақстанда «Дені сау ұлт» ұлттық жобасы бекітілді

17:05, 28 қазан 2021
69

© Сурет: Zakon.kz

Қазақстан Үкіметінің 2021 жылғы 12 қазандағы қаулысымен "Дені сау ұлт" әрбір азамат үшін сапалы және қолжетімді денсаулық сақтау ұлттық жобасы бекітілді, деп хабарлайды Zakon.kz.

Жобаның мақсаты – әрбір азамат үшін сапалы және қолжетімді денсаулық сақтауды қамтамасыз ету, ол 2025 жылға есептелген.

Құжат 4 бағыт бойынша іске асырылады:

1. Қолжетімді және сапалы медициналық көмек
2. Эпидемиологиялық болжау мен ден қоюдың қазіргі заманғы жүйесін қалыптастыру
3. Отандық өндірістің қолжетімді дәрілік заттары мен медициналық бұйымдары
4. Салауатты өмір салтын ұстанатын халықтың үлесін арттыру және бұқаралық спортты дамыту.

Мынадай әлеуметтік әсер күтіледі:

* Азаматтардың өмір сүру ұзақтығын 2020 жылғы 71,37 жастан 2025 жылы 75 жасқа дейін ұлғайту
* Халықтың медициналық қызметтер сапасына қанағаттану деңгейін 2020 жылғы 53,3%-дан 2025 жылы 80%-ға дейін арттыру.

Жобаны іске асыруға 3,6 трлн теңге бөлу жоспарлануда.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір