Қазақстан Түркиямен арадағы рейстер санын қысқартуды қарастыруда

17:21, 14 сәуір 2021
218

© Сурет: 24.kz

МВК отырысында шетелдегі күрделі эпидемиялық жағдайға байланысты Түркиямен арадағы рейстер санын қысқарту туралы ұсыныс жасалды, деп хабарлады ҚР Денсаулық сақтау министрлігі Санитарлық-эпидемиологиялық бақылау комитетінің төрағасы Айжан Есмағамбетова, деп хабарлайды zakon.kz.

Шынында да, Түркиядағы эпидемиологиялық жағдай өте күрделі. Күніне 50 мыңнан астам жағдай тіркеліп жатыр. Егер біз күнделікті көрсеткіштерді алсақ, бұл біздікінен 5,5 есе көп. Сондықтан, бүгін МВК отырысында Түркиямен арадағы рейстер санын қысқарту туралы ұсыныстар алға тартылды. Бүгін бұл ұсыныстар қарастырылуда, - деді Есмағамбетова.

Бұрын хабарланғандай, өткен тәулікте Қазақстанда коронавирус инфекциясының 2 229 жаңа жағдайы тіркелді.

Жалпы республикамыз бойынша 276 054 жағдай расталды, оның ішінде: Алматы қаласында - 42 899 (+612), Нұр-Сұлтан қаласында - 36 792 (+465), Шығыс Қазақстан облысында - 23 397 (+25) жағдай.

14 сәуірдегі жағдай бойынша 35 821 адам КВИ-дан ем-дом алуда (35 322: КВИ + және 499: КВИ-), оның 12 482-сі стационарда, ал 23 339 науқас амбулаториялық деңгейде ем алуда.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір