Қазақстан әйелдер құрамасы шахмат олимпиадасының үздік үштігіне енді

10:49, 8 тамыз 2022

© Сурет: unsplash

Әйелдер арасында Польша құрамасы көш бастап тұр. Одан кейін Үндістан құрамасы келеді. Қазақстанның ерлер құрамасы 25-орынға жайғасты, деп хабарлайды Zakon.kz.

2022 жылы Ченнаида (Үндістан) өтіп жатқан Дүниежүзілік шахмат олимпиадасында Қазақстан әйелдер құрамасы тоғызыншы айналымда Болгария құрамасын 3:1 есебімен жеңді, деп жазды sports.kz. Бұл жеңіс Қазақстан әйелдер құрамасына кестеде үшінші орынға көтерілуге мүмкіндік берді.

Болгариямен болған кездесуде Жансая Әбдімәлік пен Гүлісхан Нахбаева Қазақстанға жеңіс әкелді. Ал Бибісара Асаубаева мен Ксения Балабаева кездесулерін тең есеппен өткізді.

Қазақстан ерлер құрамасының турнирдегі нәтижесіне келсек, біздікілер тоғызыншы турда Сербия құрамасынан 1:3 есебімен ұтылып қалды.

Мұртас Қажығалиев пен Арыстанбек Оразаев ойындарын тең аяқтаса, Ринат Жұмабаев пен Әлішер Сүлейменов жеңіліп қалды.

Оқи отырыңыз

Дзюдодан АЧ: Қазақстан құрамасы командалық есепте ІІІ-ші орынға ие болды

Дзюдодан АЧ: Медаль есебі бойынша тартыста Қазақстан құрамасы Жапониядан ұтылып қалды

Тректегі велоспорттан Ислам ынтымақтастығы ойындарында Қазақстан 4 медаль еншіледі

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!