Қасымбек Атыраудағы лифт пен Астанадағы эскалаторға қатысты түсініктеме берді
ҚР Парламенті Мәжілісінің жалпы отырысында министр Жеңіс Қасымбек журналистердің екі жасөспірімнің Атыраудағы лифт шахтасына түсіп көз жұмуына және Астанадағы сауда орталығында эскалаторға қысылып қалған қыздың жағдайына қатысты сұрақтарына жауап берді, деп хабарлайды Zakon.kz тілшісі.
«Атыраудағы лифт шахтасына қатысты: екі жасөспірім 14, 15 жаста. Ол тұрғын үйде жабық тұрған лифт болған. Мен бірден ескерте кетейін, біздің министрлік, индустрия комитеті өндірістегі лифт механизмі мәселелеріне ғана жауапты. Тұрғын үй ғимараттарына келсек, бұл аймақтағы әкімдіктерінің жауапкершілігі. Бірақ, оқиға орын алғандықтан, Атырау облысының әкімдігімен бірігіп қазір осы мәселені шешіп жатырмыз. Лифт жабық болған, балалардың ол лифтке не үшін кіргені - бұл үлкен мәселе. Қазір әкімдік жеке комиссия құрды, біз оларға көмектесеміз», - деп түсіндірді ол.
Жазалау мәселесіне қатысты, министр бұл мәселені комиссия шешетінін атап өтті.
«Мен білмеймін, комиссия шешеді. Ол жерде КСК бар, жауапты адамдар бар. Әрине, кінәлі адамдар міндетті түрде анықталады және сотта жазаланады», - деді Ж. Қасымбек.
Сондай-ақ, министр Астана қаласының сауда орталықтарының бірінде эскалатордың ақауынан жарақат алған екі жасар қыздың жағдайына қатысты тексеру жүргізуге уәде берді.
«Эскалаторға қатысты жағдайды біз толық тексереміз. Жауапкершілік анықталады, эскалаторларды жөндеу мерзімдері жабдықтың түріне, техниканың жұмыс істеу мерзіміне байланысты. Алғашқы ақпарат бойынша, бұл техника ескірген жоқ, ол бастапқыда болған құжаттамада қолданылған», - деді ол.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
19:10, 29 наурыз 2024
Түркістан облысында мектеп мұғалімі сабаққа ұлттық киіммен келген оқушыларға қысым көрсеткен
-
18:41, 29 наурыз 2024
Қостанай облысындағы «Желқуар» автомобильдік өткізу пунктінің жұмысы уақытша тоқтатылды
-
18:30, 29 наурыз 2024
Жетісу облысындағы су қоймасында қаза тапқан балықшының мәйіті табылды
-
18:18, 29 наурыз 2024
Жамбыл облысында құны 1 млрд теңгеден асатын темекі өнімдерінің ірі партиясы анықталды
-
17:56, 29 наурыз 2024
Полиция WhatsApp арқылы тұрғындарды 1,5 млн теңгеге алдаған күдіктіні ұстады