Қаржы министрлігі Ішкі мемлекеттік аудит комитетінің төрағасы тағайындалды

11:32, 13 қыркүйек 2019
587

ҚР қаржы министрінің бұйрығымен Азамат Ахметов ҚР ҚМ Қазынашылық комитетінің төрағасы қызметінен босатылып, Ішкі мемлекеттік аудит комитетінің төрағасы лауазымына тағайындалды, деп хабарлайды Zakon.kz ҚР Қаржы министрлігінің баспасөз қызметіне сілтеме жасап.

Азамат Ахметов 1974 жылы Қарағанды облысында дүниеге келген.

1996 жылы Қазақтың Еңбек Қызыл Ту орденді ауыл шаруалығы институтын "Ауыл шаруашылығы экономисті-ұйымдастырушысы" мамандығы бойынша тәмамдаған. 1999 жылы Д. Қонаев атындағы Гуманитарлық университетті "Заңгер" мамандығы бойынша аяқтаған.

Еңбек жолын 1996 жылы Алматы қаласында "Перизат және К" өндірістік кәсіпорнының директоры қызметінен бастаған. Түрлі жылдары коммерциялық кәсіпорындарда жұмыс істеген. ҚР Мемлекеттік тергеу комитетінде, ҚР Ұлттық қауіпсіздік комитетінде, Қарағанды облысы бойынша кедендік бақылау департаментінде, ҚР Көлік және коммуникациялар министрлігінің Көлік бақылауы комитетінде қызмет атқарған.

Қаржы министрлігінің құрылымында 2007 жылдан жұмыс істеп келеді.

2007–2008 жж. — ҚР ҚМ Қаржылық бақылау және мемлекеттік сатып алулар комитетінің Қарағанды облысы бойынша Қаржылық бақылау және мемлекеттік сатып алулар басқармасы бастығының орынбасары.

2008 ж. — ҚР ҚМ Қаржылық бақылау және мемлекеттік сатып алулар комитетінің Қарағанды облысы бойынша Қаржылық бақылау және мемлекеттік сатып алулар басқармасы бастығы.

2008–2014 жж. — ҚР ҚМ Қаржылық бақылау комитетінің Қарағанды облысы бойынша Қаржылық бақылау инспекциясының басшысы.

2014–2017 жж. — ҚР ҚМ Қаржылық бақылау комитетінің Қарағанды облысы бойынша Мемлекеттік кірістер департаментінің басшысы.

2017 ж. — ҚР Қаржы министрлігінің Қазынашылық комитетінің төрағасының орынбасары.

2017 - 2018 жылдары ҚР Қаржы министрлігінің Қазынашылық комитеті төрағасы лауазымында болды.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!