Карацевті қағып тастады: Бублик Мадридте ширек финалға шықты
© Сурет: ҚТФ
Қазақстанның бірінші, әлемнің 44-ракеткасы Александр Бублик Мадрид мастерс турнирінің ширек финалына шықты, деп хабарлайды zakon.kz Қазақстанның теннис федерациясы баспасөз қызметіне сілтеме жасап.
Қазақстандық теннисші үшінші айналымда әлемнің 27-ракеткасы, ресейлік Аслан Карацевпен күш сынасты.
Бірінші партияда есеп 4:3 болған мезетте А.Бублик үш бірей брейк-пойнтын пайдалана алмады. Дегенмен сетболда мұндай мүмкіндікті мүлт жіберген жоқ – 6:4.
Екінші сетте әуелі А.Карацевтің брейк жасайтын мүмкіндіктері болғанымен, оған Бублик жол берген жоқ. Есесіне есеп 2:1 болған мезетте қазақстандық спортшы брейк жасай алды. Сосын өз геймін алып, есепті 4:1-ге жеткізді. Ақыры матчты эйспен бітірді – 6:3.
А.Бублик 1 сағат 15 минутқа созылған матч барысында 14 эйс жасады. Бублик биыл осымен екінші рет мастерс турнирінің ширек финалына шығып отыр. Бұдан бұрын Майамиде де осындай табысқа қол жеткізген еді.
Қазақстандық теннисші жүлде қоры 2,6 млн еуродан асатын айтулы жарыстың жартылай финалына шығу үшін әлемнің 5-ракеткасы, грекиялық Стефанос Циципас немесе рейтингте 22-сатыдағы норвегиялық Каспер Руудтың біреуімен таласады.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
12:55, 20 сәуір 2024
Ақтөбе тұрғыны қызды зорлап, артынша оны жетінші қабаттан лақтырып жіберген
-
12:40, 20 сәуір 2024
Дзюдодан АЧ-2024: Қазақстанның төрт татами шебері қола медалға таласады
-
12:00, 20 сәуір 2024
Алматы облысында жұмыс істеп тұрған ірі есірткі зертханасы табылды
-
11:40, 20 сәуір 2024
Жаңа норма: Вейптерді елімізге тасымалдаушылар мен сатушыларға қандай жаза қолданылады
-
11:19, 20 сәуір 2024
Қырғыз елінде халықаралық іздеудегі Қазақстан азаматы ұсталды