Канадада қатты жел салдарынан 100 мыңнан астам үй жарықсыз қалды

3 желтоқсан күні кешке Канаданың шығысындағы Онтарио провинциясының оңтүстік бөлігінде боран соғып, 100 мыңнан астам үй шаруашылығы мен басқа да ғимарат жарықсыз қалды, деп хабарлайды Zakon.kz.

CBC телеарнасының хабарлауынша, қатты жел салдарынан Торонто мен оның маңындағы тұрғындар зардап шеккен. Атап айтқанда, өңірде жүздеген ағаш құлап, электр желілері зақымданған.

Жедел бригадалар табиғи апаттың салдарын жойып жатыр. Зардап шеккендер туралы мәлімет жоқ.

Ұлттық метеорологиялық бюроның мәліметінше, желдің жылдамдығы кей жерлерде 27 м/с-қа жеткен.