“Қайрат” “Олимпиакосқа” есе жіберді

Алматылық “Қайрат” Чемпиондар лигасындағы матчта грекиялық “Олимпиакостан” жеңілді. Кездесу Астанада өтіп, 0:1 есебімен аяқталды, деп хабарлайды Zakon.kz.

Матчтағы жалғыз гол 73-минутта соғылды. “Олимпиакос” шабуылшысы Желсон Мартинш Мехди Таремидің дәл берген пасын голға айналдырды. Ал бірінші таймда есеп өзгермей, командалар үзіліске 0:0 есебімен кетті.

Екі ойынның қорытынды есебі де грек клубының пайдасына 1:0 болды.

“Олимпиакос” бұл жеңістен кейін 5 ұпай жинап, турнир кестесінде 26-орынға көтерілді және плей-офф кезеңіне шығу мүмкіндігін сақтап қалды. Ал “Қайраттың” еншісінде – 1 ұпай және 35-орында тұр. Команда 5 рет жеңіліп, бір матчты тең ойнады.

“Қайраттың” келесі матчы 2026 жылғы 20 қаңтарында өз алаңында Бельгияның “Брюгге” клубына қарсы өтеді. Сол күні “Олимпиакос” Грекияда Германияның “Байеріне” қарсы ойнайды.