Ірі энергетикалық кәсіпорынның экс-басшылары 73 млн теңге ұрлаған
ҚР ҚМ Қаржы мониторингі комитетінің Маңғыстау облысы бойынша Экономикалық тергеу департаментінің қызметкерлері аса ірі көлемде алаяқтық дерегі бойынша қылмыстық істі тергеп, сотқа жолдады, деп хабарлайды zakon.kz.
"Осылайша, 2016 жылы "АЭЖБ" МҚК (бұрынғы басшысы Қабдолғалиев А.Л. тұлғасында) және "Абзал и Компания-1" ЖШС (бұрынғы директоры Камилов Р.Т. тұлғасында) арасында 53 млн теңгеден астам сомаға релелік жабдықты ауыстыру бойынша жұмыстарды мемлекеттік сатып алу туралы келісімшартқа қол қойылды. 2018 жылы Маңғыстау облысы бойынша ІМАД-нің жүргізген аудиторлық тексерісіне сәйкес, "Абзал және Компания-1" ЖШС-нің өз міндеттемелерін орындамағанына қарамастан, "АЭЖБ" кәсіпорны оған келісімшарт сомасы мен қосымша 3 000 000 теңгені толық аударғаны анықталды", - делінген ҚР ҚМ ҚМК хабарламасында.
Сондай-ақ 2018-2019 жылдар аралығында осы кәсіпорындардың басшылығы мен қызметкерлеріне қатысты алаяқтық және басқалардың сеніп тапсырған бөтен мүлікті иемденіп алу/талан-таражға салу деректері бойынша бірқатар қылмыстық іс қозғалды (ҚР ҚК-нің 189-б. 4-б. 2-т., 190-б. 4-б). Қылмыстық әрекеттен мемлекетке келтірілген залалдың мөлшері 73 млн астам теңгені құрады.
Ақтау қалалық сотының үкімімен айыпталушылар ҚР ҚК-нің 189-б. 4-б. 2-т., 190-б. 4-б. 2-т., 216-б., 2-б. 2-т., 371-б. 2-б. бойынша кінәлі деп танылып, оларға 2 жылдан 7 жылға дейін бас бостандығынан айыру түріндегі жаза тағайындалды.
Атап айтқанда, Даулетбақов А.М. - 5 жылға, Камилов Р.Т. - 2 жылға, Қабдолғалиев А.Л. - 2 жылға, Тоғысова Г.К. 7 жылға сотталды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
11:03, 25 сәуір 2024
Алматыдағы түңгі клубта арнайы операция өткізілді
-
10:50, 25 сәуір 2024
2024 жылғы 1 шілдеден бастап зейнетақы жарналарын төлеу жөніндегі ережелер өзгереді
-
10:29, 25 сәуір 2024
Қазақстанның екі облысында жоғары лауазымды полицейлер қайтыс болды
-
10:12, 25 сәуір 2024
Жайық деңгейі тұрақты түрде көтерілуде
-
09:59, 25 сәуір 2024
Тоқаев адам құқықтары жөніндегі комиссияның жұмыс тәртібі мен құрамына өзгерістер енгізді