ІІМ қызметкері жауынгерлік тікұшақты сүйреп, рекорд орнатты
© Сурет: polisia.kz
Наурыз мейрамы қарсаңында елордалық авиабазада ІІМ әскери-тергеу департаментінің қызметкері Бауыржан Камалиев МИ-17 жауынгерлік тікұшағын 15 метрге жылжытып, рекорд орнатты, деп хабарлайды Zakon.kz polisia.kz-ке сілтеме жасап.
Бұл - полиция қызметкерінің ресми тіркелген төртінші рекорды. Бұрын ол екі локомотивті, 42 тонналық Airbus ұшағын және 10 жол талғамайтын көлікті орнынан жылжытқан.
Ақтың молаятын, тіршіліктің жаңаратын кезеңі – көктем меркесіне арналған шараға қорғаныс министрі Руслан Жақсылықов пен ішкі істер министрі Марат Ахметжанов қатысты. Екі ведомствоның басшылары спортшыны жаңа жетістігімен құттықтады.
Оған Қазақстан рекордтар кітабы ұйымының атынан арнайы сертификат табысталды.
"Бүгін барлығымыз Қазақстан рекордының куәгері болып отырмыз. Күштік экстрим саласындағы белгілі спортшы, ІІМ қызметкері Бауыржан Камалиев біздің кеңсемізге өзінің ұсынысымен шықты. Ол бұрын да өзінің рекордтарымен елімізге, әлемге танымал болған. Біз мұндай спортшыларды әрдайым қолдауға дайынбыз". Қазақстан рекордтар кітабының ресми өкілі Қуандық Құдайбергенов
Бауыржан Камалиев жаңа рекордты жасамас бұрын үш ай дайындалған. Оның базалық спорт түрі – ауыр атлетика.
Пауэрлифтингтен еліміздің спорт шебері ішкі істер органдарында 15 жылдан бері қызмет атқарып келеді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:53, 19 сәуір 2024
ҚМДБ Бишімбаевтың оқиғасынан кейін азаматтық некеге қатысты пәтуаны көптің есіне салды
-
22:29, 19 сәуір 2024
Атырау қаласының әкімі кенеттен қайтыс болды деген фейк ақпарат тарады
-
22:14, 19 сәуір 2024
Су тасқынынан зардап шеккен азаматтар бүлінген қай мүлкі үшін өтемақы ала алады
-
22:00, 19 сәуір 2024
«Мектептерге теракт жасалады». Атырау полициясы анонимді Telegram-арнаның авторын тапты
-
21:43, 19 сәуір 2024
Гимнастикалық ат снарядында өнер көрсеткен Курбанов та Париждегі Олимпиадаға жолдама алды