«Хабар» агенттігі 22 қазан күні БАҚ арасында шағын футболдан турнир өткізеді

Үшінші жыл қатарынан «Хабар» агенттігі өзінің туған күнінде әріптестерімен шағын футболдан республикалық турнир өткізбекші.

Шығармашыл бауырластар арасында салауатты өмір салтын насихаттауды мақсат еткен ұжым бұл шараны жақсы дәстүрге айналдырған.  Осыған дейін Астанада «Хабар» агенттігінің бастамасымен екі турнир өтті. Біріншісі арнаның 20 жылдық мерейтойымен тұспа-тұс келді.

Дебюттік турнир еліміздің үздік және беделді университеттерінің бірі Назарбаев Университетінде өтті. Турнирдің алғашқы жеңімпазы – «BaqOrda» командасы. Екінші жылы турнир Астана Арена стадионында өткен болатын. Бұл жолы «ЖасStar Production» командасы жеңімпаз атанды.

Биылғы жылы да «Хабар» агенттігі 22 қазан күні Астана Аренада БАҚ қызметкерлері арасында «KHABAR CUP-2017» республикалық шағын футбол турнирін өткізеді.

Қазірдің өзінде 16-дан астам бұқаралық ақпарат құралдары турнирге теле және радиоарналардың 200-ден астам журналистері мен интернет-порталдар қызығушылық танытып, қатысатындарын жеткізді. Турнирдің қатысушылары 4 топқа бөлінеді, командалар плей-офф кезеңіне екі билет үшін күреседі, содан кейін ширек финал мен жартылай финалға, ақтық матчқа және 3-орынға арналған жұбаныштық матчқа қатысады.

Турнир ұлттық «Хабар» және «Хабар 24» телеарналарында кеңінен таратылады.

Барлық ойын 22 қазан күні өтеді. Матчтардың басталуы сағат 09:00-ға жоспарланған. Ашылу салтанаты сағат 11: 00-де басталады.

Источник: khabar.kz