Головкинге ресми түрде қарсылас тағайындалды
Халықаралық бокс федерациясы (IBF) орта салмақтағы өз чемпионы, казақстандық Геннадий Головкинді (40-1-1, 35 КО) атағын қорғау үшін жекпе-жек өткізуге міндеттеді, деп хабарлайды Vesti.kz.
Бұл туралы соңғы кездері GGG-мен жұмыс істеп жүрген промоутер Эдди Хирн (Matchroom Boxing) мәлімдеді.
Головкиннің келесі қарсыласы поляк боксшысы Камил Шеремета (21-0, 5 КО). Ол IBF титулына міндетті үміткер болып отыр. Кездесу ақпан айында жоспарланған (не 8-і не 29-ы күндері аталуда), ал өтетін жері ретінде Чикагодағы (АҚШ) Wintrust Arena аталуда.
- Мен Головкинмен келесі аптада бейсенбіде кездесіп, келесі жекпе-жегі туралы сөйлесеміз. Головкиннің міндетті қарсыласы бар, ол Камил Шеремета. IBF бұл жекпе-жекке рұқсат берді, - деді Хирн FightHub TV-ге берген сұхбатында.
Бұған дейін Головкин мен Шереметаның жекпе-жектің қаржылық талаптарының мәселесі бойынша келіскені хабарланған.
GGG-мен кездескені үшін поляк өз өміріндегі ең ірі гонорарын алады.
Головкин орта салмақтағы бос тұрған IBF және IBO белбеулерін 5 қазанда украиналық Сергей Деревянченконы (13-2, 10 КО) жеңгеннен кейін иеленді.
Шеремета сол кештің андеркартесінде жекпе-жек өткізген. Поляк екінші раундта мексикалық Оскар Кортесті нокаутқа жөнелтіп, IBF титулына үміткер атанды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:03, 28 наурыз 2024
Тоқаев Шанхай ынтымақтастық ұйымының бас хатшысымен кездесті
-
16:55, 28 наурыз 2024
ҚМА Қайрат Боранбаевтың активтері туралы мәлімдеме жасады
-
16:42, 28 наурыз 2024
Алматылықтарды жаңбырлы демалыс күтіп тұр
-
16:30, 28 наурыз 2024
28 наурыздағы түскі саудада доллар тағы арзандады
-
16:17, 28 наурыз 2024
Соңғы екі айда қазақстандықтар алаяқтарға төрт миллиард теңге берген