Ғимараттарды бұзуға және көшіруге уақытша тыйым салынды

12:01, 18 қаңтар 2022
102

© Сурет: Pixabay

ҚР Ұлттық экономика министрі Әлібек Қуантыров Үкімет отырысында елдегі әлеуметтік-экономикалық жағдайды, оның ішінде түрлі салалардағы тұрақтандыру жоспарын таныстырды, деп хабарлайды Zakon.kz.

Жоспардың бір бағыты халықты және кәсіпкерлікті қолдауды қарастырады.

2022 жылдың 20 cәуіріне дейін үйлерді көшіруге, бұзуға байланысты атқарушылық әрекеттерге, салық және кедендік тексерулерді тоқтата тұру және кейінге қалдыру, кәдеге жарату төлемінің мөлшерлемесі мен тәсілдерін қайта қарауға уақытша тыйым салуды жоспарлап отырмыз.Ұлттық экономика министрі Әлібек Қуантыров

Министрдің айтуынша, жалпы жоспарда қоғамдық тәртіп пен қауіпсіздікті қалпына келтіру, әлеуметтік және өзге де инфрақұрылымдар, әлеуметтік мәселелер, бағаның негізсіз өсуіне жол бермеу, халық пен кәсіпкерлікті қолдау және ұйымдастыру-қаржылық мәселелер бойынша 51 іс-шара бар.

Ұсынылған жедел іс-шаралар жоспары мемлекет басшысының тапсырмасын бірнеше айда шешуге бағытталған. Жоспардың жүзеге асуы елдегі экономикалық жағдайдың жылдам қалпына келуіне және күнделікті өмірге оралуға көмектеседі.Әлібек Қуантыров

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!