Футболдан ӘЧ-2026: Қазақстан құрамасының қарсыластары анықталды

13 желтоқсанда ФИФА кеңсесінде (Швейцария) Еуропалық аймақтағы 2026 жылғы Әлем чемпионатына іріктеу турнирінде өнер көрсететін командаларды анықтау үшін жеребе тарту рәсімі өтті. Қазақстан құрамасы "J" тобында бақ сынайтын болды, деп хабарлайды Zakon.kz.

Қазақстан футбол федерациясының мәліметінше, матчтар 2025 жылдың наурызында басталып, қараша айында аяқталады. Ұлттық құрама Бельгия, Уэльс, Солтүстік Македония, Лихтенштейнға қарсы ойын өрнегін көрсетеді.

Топ жеңімпазы Әлем чемпионатына тікелей жолдама алса, екінші орын иегері өтпелі матч ойнайды.

Іріктеу кезеңінің топтық кезеңі 2025 жылдың наурызында басталып, қарашасында аяқталады. Ал өтпелі матч (плей-офф) 2026 жылдың 26 және 30 наурызында болады.